Lyslek - Et kunstnermøte og workshop om lys, skygge og gjennomskinnelighet

Kva er skugge og kva gjennomskinelegheit? 

Kunstnaren Helene Mørken utforskar desse spørsmåla i verka sine, og i Lyslek gjer ho det i lag med elevane. Dei får sjå og kjenne på kunstverk og på ulike materiale der det gjennomskinelege, lys og skuggemønster er sentralt.  

Kunstnaren brukar sjølv papir for å teste ut ideane sine, før ho utfører dei i porselen, og gjennom eigne eksempel set ho i gang dei kreative tankane hjå elevane.  

I løpet av 60 minutt jobbar elevane med eigne lamper og lysande skulpturar med papir og lyskjelder. Dei brukar saks, skalpell og andre verktøy.  

Mørken ønskjer å skape undring og nysgjerrigheit, og har som mål at elevane skal vere kreative. I tillegg får dei innblikk i korleis ho jobbar som kunstnar. 

Tekst til vekeplanen: Den kulturelle skulesekken inviterer elevane til møte med ein kunstnar som er opptatt av lys, skugge og gjennomskinelegheit.