Flaggermusen

Den danske manusforfattaren Adam Price (m.a. kjend for TV-seriane Ragnarok og Borgen, og for den nye versjonen av Den glade enke her i Bergen våren 2022) skal leggje handlinga til Bergen og Oslo, med eit humoristisk skråblikk på bergensk patriotisme og den meir eller mindre alvorlege maktkampen mellom Oslo og Bergen. Her blir publikum utfordra på tema som identitet, mangfald, satire og kritisk tenking.

Heile teksten blir skreddarskydd for Bergen, og både songen og dialogen skal vere på norsk.

Tilbodet i "Prosjekt Opera" er i to deler: Først eit to timars kurs som gir ei innføring i opera- og operettesjangeren for elevane, pluss at dei blir utfordra på  temaa som blir nemde over. Og deretter nokre dagar/veker seinare: Heile generalprøva på vårens store operette i Grieghallen: Flaggermusen!

1) Inspirasjonskurset på skulen: To operapedagoger frå Bergen Nasjonale Opera kjem på besøk til skulen og møter elevane i klasse/gruppevis (helst maks. 30 elever per kurs). Det kan gjennomførast maks. to ulike kurs på same skule pr. dag.

Operapedagogane våre pr i dag er to unge songarar, begge frå Bergen, som begge kombinerer pedagogisk arbeid med å vere utøvande kunstnarar. Dei to erfarne operapedagogane vil på ein underhaldande måte presentere tematikk og karakterar i operetten Flaggermusen, og la elevane bli betre kjend med komponisten Johann Strauss d. y. (1825-1899) og samtida hans. I løpet av dette inspirasjonskurset vil elevene også bli aktiviserte med nokre praktiske utfordringar.

Kurset vert gjennomført i løpet av to veker med 20 ulike kurs á ca. 30 elevar. Det tyder at rundt rekna 600 elevar i den vidaregåande skulen kan kome til Grieghallen for å oppleve denne operetten.

2) Generalprøve på Flaggermusen i Grieghallen: Med introduksjonskurset som grunnlag får elevane oppleve heile generalprøven på operetten Flaggermusen i Bergens storstove, Grieghallen, torsdag 7. mars 2024 kl 11:00 - ca 14.00. Elevane får altså ein eksklusiv sjanse til å sjå framsyninga før det vanlege publikummet. Flaggermusen varer omlag i 3 timar, inkludert 30 minutt pause.

Målsetjingar for "Prosjekt Opera" (generelt)

–  Å gje elevane ei innføring i opera og operette som sjanger og førebu dei til å oppleve framsyninga i Grieghallen. Denne unike kunstformen kombinerer musikk, song, teater, kostymer, scenografi osb. i eitt fantastisk samspel – som elevane får oppleve på nært hald.

– Å gje elevane eit utgangspunkt for å diskutere einskilde allmennmenneskelege tema (som td. identitet og mangfald) som dei får møte i operetten.

– Å gjere elevane nysgjerrige, slik at dei skal få lyst til å besøkje andre operaframsyningar i framtida.

– Å sjå at kulturfeltet kan vere ein aktuell og attraktiv arbeidsplass for dei når dei blir vaksne, og inspirere til å velje studiar innan kultur og kunst.

Vi vil at barn og unge skal oppleve at opera (og operette) er ei levande kunstform som også vedkjem dei. Vi trur at aktiv deltaking er den beste måten å bli kjend med opera på. Difor inviterer vi barn og unge til å delta i skapande prosessar saman med operapedagogane våre. Operaopplevinga vil også kunne inspirere til interessante opplegg i etterkant, f.eks. i fag som musikk, språk, historie og litteratur.