Polarnatt – samtalar om flukt (fysisk forfattarmøte)

I romanen Polarnatt møter vi Ilias og Amira som har rømt frå asylmottaket. Ilias har gjort noko han angrar veldig på, og Nils jaktar på han med snøskuter. Boka kan opne for samtalar kring det å vere på flukt, korleis vi møter dei som kjem nye til landet og at vi alle kan kjenne oss einsame innimellom. 

Elevane får:

• Gjennomføre ein kahoot etter å ha fått ei opplesning frå Polarnatt
• Gå rundt i klasserommet og gjere eit bokintervju med kvarandre
• Skrive sjølv og reflektere over spørsmåla:  

1. Kva får deg til å kjenne deg einsam og åleine? 
2. Kva ville gjort at du kjende deg mindre åleine? 
3. Korleis kan vi hjelpe dei som kjenner seg åleine og langt heimefrå? 

• Avslutte økta med å teikne, medan dei høyrer nytt utdrag frå Polarnatt