Stopp, flytt – skap noko nytt! - Påmeldingsverksted

I dagsverkstaden «Stopp, flytt - skap noko nytt!” får elevane utforske animasjonsfilm, figurteater og lyddesign i kombinasjon. Alle lagar komplette teaterfigurar og animasjonsfilmar i løpet av ein dag. Nokre av elevane får også lage lydeffektar.

På slutten av verkstaden, vil alt kome saman i ein spesiallaga scenografi med flater prosjekonsflatar. Elevanes animasjonfilmar projiserast på flatene, og det er også inne i denne spesielle scenografien elevane skal manipulere figurane sine.
- Vi vil gi eit blikk inn i både kontrastane og likskapen i dei to kunstformene. Eit av måla til denne eksperimenterande og nyskapande verkstaden er å oppdage nye teknikkar innan forteljarkunsten.

Det handlar mykje om at barna jobbar fysisk og konkret med omgrepet «tid» på skjerm og i røyndomen. Både ved å lage dei konkrete figurane/ filmane, og så ved å sette dei saman etterpå. Kva resultatet blir, er det ingen som kan seie på førehand. Men at det blir både planlagt og spontant -  og eksperimenterande – er iallfall sikkert!
 

Både figurteater og animasjonsfilm er avhengig av manipulasjon for å skape liv og sjel i figurar. Ein teaterfigur kjem til live i handa - direkte. Den er i direkte kontakt med her og no, - ting kan skje plutseleg og spontant. Den er i kontakt med det levande livet. Animasjon skapar illusjon av rørsle gjennom ein bilde for bilde teknikk.