Filmhjelp / Filmhjelp yrkesfag / Filmhjelp tilrettelagt

FILMHJELP OG FILMHJELP YRKESFAG

Eitt av hovudpremissa til Filmhjelp er at det skal vere gratis for elevane å lage film. Elevane bruker det utstyret dei allereie har tilgjengeleg (mobil, nettbrett, pc osv.), og redigerer i gratis redigeringsprogram.

Viktige grunnpilarar:

• Gi elevane grunnleggande filmkunnskap
• Mogleggjere filmproduksjon på eksisterande utstyr
• Delingskultur, opphavsrett og konsekvenstenking

Gjennom kurset gir Filmhjelp også skulane ei hjelpande hand med å nå digitale kompetansemål.

FILMHJELP TILRETTELAGT

Viktige avklaringar i forkant:

• Få ein klar oversikt over kva for elevar som kan vere på kamera og ikkje. Få dette skriftleg frå føresette før Filmhjelp kjem til skulen.
• Vi tek personvern på alvor. Alt videomateriale blir sletta til slutt, og lærar disponerer filmen vidare.
• Lærar må vere til stades. Utøvarane skal aldri vere åleine med elevane, og ønskjer å skape ein god relasjon til elevane og eit trygt rom å vere i. 

Kva skjer desse dagane?

DAG 1:

• 1. time: Etablere ein relasjon med elevane. Vi bruker ein time på å bli kjend med elevane slik at dei blir trygge på oss, og vi får vite kva dei held på med.
• 2-3. time: Filmhjelp lagar tre crew, der kvart crew består av ein frå filmhjelp og 1-3 elevar. Kvart crew filmar ulike aktivitetar/undervisningsopplegg. Elevane kan velje om dei vil bidra framfor eller bak kamera.
• 3-4. time: Filmhjelp samlast på eit grupperom og startar redigeringsøkta. Her kan dei elevane som er interesserte i filmskaping og redigering følgje økta slik dei ønskjer. Dei kan kome og gå frå rommet som det passar dei. Vi rundar av dagen.

DAG 2:

• 1. time: Vi møter elevane og startar dagen med å undersøke kva dei synest vi manglar av videomateriale.
• 2. time: Vi filmar det som måtte mangle.
• 3. time: Filmhjelp redigerer siste biten av materialet som har kome inn. Her treng vi kanskje rommet for oss sjølve for å ferdigstille filmen. Det er også morosamt at elevane ikkje har sett alt, slik at det blir ei kjensle av premiere når vi viser den i auditorium/kino.
• 4. time: Vi har premiere! Oppsummerer det vi har gjort saman og får ei fin avslutning på dagane vi har hatt. Takkar for oss.