Utlysing – litteraturproduksjonar til mellomtrinnet i samband med Leselyststrategien - frist 30.06.25

Publisert 16.06.2025

Regjeringa lanserte i 2024 Leselyststrategien 2024-2030, Sammen om lesing. Hovudmåla for strategien er at:

• alle barn og unge skal få gode leseferdigheiter som grunnlag for glede, meistring, livslang læring og deltaking i arbeids- og samfunnslivet
• alle barn og unge skal få gode leseopplevingar gjennom eit mangfaldig litteraturtilbod og god litteraturformidling.

Eit av tiltaka for å nå måla er å styrke litteraturformidlinga gjennom Den kulturelle skulesekken (DKS).

Kultur- og likestillingsdepartementet har tildelt tilskot på totalt kr 8 300 000 i Leselyststrategien for å bidra til utvikling av nye produksjonar og meir litteraturformidling gjennom DKS. Av dette er kr 5,5 mill. fordelt til fylkeskommunar og direktekommunar etter same fordelingsmodell som årleg tildeling av spelemidlar til DKS. Midlane kan til dømes nyttast til fleire forfattarbesøk, framsyningar og skriveverkstader.

Vestland fylkeskommune vil bruke sin del av midlane, kr 478 872, til turnering og ev. produksjon av litteraturproduksjonar til 5.-7. trinn. Produksjonar som får støtte blir tilbydd skulane i tillegg til det ordinære DKS-tilbodet.

Vurdering av innkome søknadar

Innkomne søknadar vert vurderte med utgangspunkt i føringar frå Kulturtanken for midlane til DKS i Leselyststrategien, nasjonale mål for DKS og Vestland fylkeskommune sine kriterium for utvalet av produksjonar i DKS-programmet.

Særleg vil det bli lagt vekt på at produksjonar som får støtte skal:

• vere litteraturproduksjonar som bidrar til å auke leselysten blant barn og unge i Vestland
• vere på nynorsk 
• vere tilpassa målgruppa 5.-7. trinn
• kunne turnere i heile eller deler av Vestland
• kunne turnere skuleåret 2025/26

Utøvarar med tilknyting til Vestland vert prioriterte.

Dersom dette er av interesse for deg sender du ein kortfatta søknad i skjemaet:

Frist 30.06.2025