Kom te meg

Anne Gravir Klykken og Jon Solberg kjem til elevane med «Kom te meg» - ei konsertforestilling om utvandringa til Amerika.

I 2025 er det 200 år sidan den fyrste båten med emigrantane reiste frå Noreg til Amerika. Dei aller fyrste telemarkingane var Rue-følget frå Tinn, dei emigrerte frå Brevik i 1837. 

Anne og Jon vil fortelje om dei som våga å flytte frå den vesle plassen dei budde på i Telemark, til prærien i Amerika. Håpet var eit betre liv, men korleis var det for dei? 

Kva skjer når du flyttar til eit nytt kontinent og møter menneske som snakkar eit språk du ikkje skjønnar?

Folkemusikk er bruksmusikk som har like trekk over heile verda, derfor blei musikk nyttig. Gjennom musikken kom nordmenn i kontakt med både innflyttarar frå andre land og amerikanarane som alt budde i det store landet "over there".

Jon syng og spelar mange forskjellige instrument, som blir brukt både i Noreg og Amerika, og han har lært seg musikk frå den norske og den amerikanske folkemusikken. Anne kan viser og vers som folk her i Telemark brukte før i tida og fortsatt brukar.

Tekst til vekeplanen: Den kulturelle skulesekken kjem med «Kom te meg». Det er ei konsertforestilling om Amerika-utvandringa, med Anne Gravir Klykken og Jon Solberg.