To damer lager papir, de smiler og syns det er gøy,
Kulturkontaktane Ragna Kverndalen og Marianne Hansen Gottling er med på Papirmakeri. Foto: Kristin Berge
arrow_back DKS Norge arrow_back Telemark DKS arrow_back Aktuelt

Kulturtorget blei ein solid kulturdag

Publisert 05.09.2025

– Det viktigaste i livet må vere det viktigaste i politikken – då er kultur for barn og unge heilt sentralt

Det skriv Hilde Alice Vågslid på Facebook etter å ha opna Kulturtorget 2025 på Gullbring kulturhus i Bø 4. september. Vågslid er hovudutvalsleiar for kultur, reiseliv og frivilligheit i Telemark.

– Eg heiar på Den kulturelle skulesekken, legg ho til. Heiar på skulesekken gjorde dei kring 60 deltakarane på torget også, då dei fekk sjå og vere med på tre konsertar, ein verkstad, ein danseskule og ei teaterframsyning.

OPNA TORGET: Hilde Alice Vågslid er hovudutvalsleiar for kultur, reiseliv og frivilligheit i Telemark.

Oppleve og møte kvarandre

Den kulturelle skulesekken er for kulturkontaktar frå heile fylket, og meininga med dagen er at kulturkontaktane skal vite kva som kjem til skulen deira. Det er også fint at kulturkontaktane får møte kvarandre og snakka om korleis dei arbeider og får til samspelet mellom skule og Den kulturelle skulesekken.

Ga ros til kulturkontaktane

Arbeidet kulturkontaktane gjer for Den kulturelle skulesekken, fekk dei ros for av Vågslid i opningstala: For å nå desse fine måla, er arbeidet de kulturkontaktene gjer er utruleg viktig. Utan hjelp frå dyktige kulturkontakter hadde ikkje ordninga blitt den same, ho hadde ganske sikkert ikkje fungert.Kulturkontaktane legg til rette, ynskjer utøvarane velkomne, ser til at dei unge kulturvertane gjer jobben sin, og passar på at alle på skulen har informasjon om kva som skal skje. Så takk for innsatsen; jobben de gjer er utruleg viktig!

FARLEG OPPDRAG: Agentame og det sjukt farglege oppdraget er ei absurd teaterforestilling som både små og store syns er kjempegøy. Foto: Kristin Berge

Dette blei vist på Kulturtorget 2025: