– Motiverande og utviklande LittLab

Publisert 26.09.2025

Det blei to intense og lærerike dagar for deltakarane av LittLab 2025.

Medan bøker blei lesne og formidla på kulturarenaer i Skien under Appelsinia Litteraturfestival, arbeidde dei fire deltakarane på årets LittLab målretta med produksjonane sine.

– Det har vore to arbeidsintense dagar, seier arrangør Mari Honningdal, bibliotek-rådgivar hjå Telemark fylkeskommune.

Dei fire som har deltatt på LittLab er Guro S. Auganes forfattaren bak Katteskriket, Veronica Danielsen som har skrive Nordlyset og Nordlys (Leseløve), Victoria Durnak som har skapt historien om Kometjenta og Mathilde Øverland som arbeider med ein produksjon basert på balladen Sagnet om Horpa.

Les saka Fire er valgt ut til LittLab

Fem personer sitter og skriver og tenker.

SKRIVEØKT: LittLab skal få fram gode produksjonar; kanskje blir dei tilbod i Den kulturelle skulesekken seinare.
Foto: Mari Honningdal

Verdifull tilbakemelding

– Det har vore to motiverande og utviklande dagar i Skien. Eg synest det var særleg verdifullt å få sjansen til å prøve ut opplegget på ei skuleklasse, og få direkte tilbakemelding frå dei, fortel Victoria Durnak.

– Alle kandidatane prøvde ein bit av opplegget sitt på ei skuleklasse. Her fekk dei verdifulle tilbakemeldingar som dei tok med inn i det vidare arbeidet med å utvikle produksjonen sin. Det er gull verdt å få tilbakemeldingar frå elevane, frå sjølve målgruppa, konstaterer Honningdal.

– Me samlast igjen i november, då skal me arbeide med å vidareutvikle produksjonane. Det blir også nye prøverundar ute på skulane, seier ho.

To kvinner viser fram bøker de har skrevet og er blide. — **LITTERATUR TIL BARN OG UNGE:** Victoria Durnak er forfattaren bak Kometjenta, medan Veronica Danielsen har skrive bøkene Nordlyset og Nordlys. *Foto: Kristin Berge*

Tre kvinner smiler til kamera. — **GODE TIPS:** Tone Cronblad Krosshus (midten) underviser i drama og teater ved Universitetet i Sørøst Norge, og ga råd til LittLab-deltakarane Guro Auganes (t.v.) og Mathilde Øverland.
*Foto: Kristin Berge*

Solide rådgivarar

Tjodunn Felland og Tone Cronblad Krosshus har vore rettleiarar for dei fire deltakarane. Tjodunn er forteljar tilknytt FortellerLab i Oslo, medan Tone er førstelektor i drama og teater ved Universitetet i Sørøst-Norge, avdeling Notodden.

Mari Honningdal og Anette Storli Andersen i Telemark fylkeskommune har planlagt og arrangert LittLab 2025 sammen med Helle Riis og Åshild Nygaard Isaksen frå Skien bibliotek.

Kulturtanken har gitt støtte til LittLab2025.