Prosjekt Opera for grunnskulen: Rusalka (vår 2023)

TILBUDET ER FULLBOOKET FOR VÅREN 2023.
TA KONTAKT MED charlotte@syvmil.no eller moyfrid@bno.no for å stå på venteliste!

Les om Teatertigrene her: https://bno.no/mennesker/teatertigrene

Her kan du lese meir om Bergen Nasjonale Operas versjon av Rusalka: https://bno.no/forestillinger/2021/rusalka-2023 

PRAKTISK INFO OM KURS & GENERALPRØVE
Kurset ute i skulane kan f. eks. passe fint for valfaget Produksjon for scene og sjølvsagt faget musikk, men vil gi utbytte uansett fag. Operapedagogane møter elevane i klasse/gruppevis (helst maks. 30 elever per kurs). Det kan gjennomførast maks. to ulike kurs per dag à to skuletimar.

Med kurset som grunnlag får elevene deretter oppleve heile generalprøven på operaen Rusalka i Grieghallen torsdag 16. mars kl 11:00. Elevane får altså ein eksklusiv sjanse til å sjå framsyninga før det vanlege publikummet. Rusalka varer cirka 3 timar, inkludert 30 minutt pause. Operaen blir framført på originalspråket tjekkisk, men blir teksta på norsk over scenen – som elles i våre framsyningar.

GENERELT OM OPERA I SKULEN
Bergen Nasjonale Opera har i en årrekkje tilbydd kurs og prosjekt for både grunnskulen (i samarbeid med DKS Bergen) og vidaregående skuler (i samarbeid med DKS Vestland).

Les meir om BNOs skuleprosjekt generelt her:

https://www.bno.no/barn-og-unge/opera-i-skolen

Tilbodet i "Prosjekt Opera" er i to deler: Først eit to timars inspirasjonskurs som gir ei innføring i operasjangeren for elevane, og deretter nokre dagar/veker seinare: Heile generalprøven på vårens store opera i Grieghallen i Bergen.

1. Inspirasjonskurset på skulen: To operapedagoger frå Bergen Nasjonale Opera kjem på besøk til skulen og møter elevane i klasse/gruppevis (helst maks. 30 elever per kurs). Det kan gjennomførast maks. to ulike kurs på same skule per dag. Operapedagogane er enten to songarar, eller éin songar og éin skodespelar. 

Dei to erfarne operapedagogane vil på ein underhaldande måte presentere tematikk og karakterar i vårens opera, pluss la elevane bli litt betre kjent med komponisten og samtida hans/hennar. I løpet av dette inspirasjonskurset vil elevene også bli aktiviserte med nokre leikande og praktiske utfordringar.  

2) Generalprøve i Grieghallen: Med inspirasjonskurset som grunnlag får elevene deretter oppleve heile generalprøven på vårens opera i Grieghallen ein torsdag i mars. Elevane får altså ein eksklusiv sjanse til å sjå framsyninga før det vanlege publikummet, med solistar, kor og Bergen Filharmoniske Orkester.

 Målsettingar for "Prosjekt Opera"

• Å gi elevane ei innføring i opera som sjanger og førebu dei til å oppleve operaen i Grieghallen.

• Å gi elevane eit utgangspunkt for å diskutere enkelte allmenn-menneskelege tema som vi møter i operaen. 
• Å gjere elevane nysgjerrige, slik at dei skal få lyst til å besøkje andre operaforestillingar i framtida. 

Bergen Nasjonale Opera engasjerer årleg hundrevis av barn og unge, både i grunnskulen og i vidaregåande skular. Vi vil at barn og unge skal oppleve at opera er ei levande kunstform som også vedkjem dei. Vi trur at aktiv deltaking er den beste måten å bli kjend med opera på. Difor inviterer vi barn og unge til å delta i skapande prosessar saman med operapedagogane våre. 

Operaopplevinga vil også kunne inspirere til interessante opplegg i etterkant, f.eks. i fag som musikk, språk, historie og litteratur.